Хуш, «әбиләр чуагы»!..

Күпләребез зарыгып көтеп алган «әбиләр чуагы» тәмам, Башкортстанга чын көз килә.

8 октябрьдән башлап һава торышы тотрыксызрак булачак, дип фаразлый Башгидрометүзәк синоптиклары: явым-төшем ихтималы артачак, һава температурасы түбәнәячәк.

Әйтик , бүген, 8 октябрьдә, көндез чагыштырмача җылы булачак, әмма кайбер районнарда һава температурасы төнлә -5 градуска кадәр төшәчәк. Чәршәмбе көнне, 9 октябрьдә урыны белән бераз яңгыр явачак. Көньяк-көнбатыштан көндез төньяк-көнбатышка таба күчүче талгын җил, урыны белән көчле җил булачак. Һава температурасы төнлә 0,+5, аязганда -5, көндез +8,+13 градус.

https://kiziltan.rbsmi.ru/articles/obchestvo/khush-bil-r-chuagy-/