Ҡабаҡ ниндәй ауырыуҙарҙан дауа?

Был йәшелсә ниндәй генә ауырыуҙарҙан дауаламай! Ул иң тәүҙә ашҡаҙан-эсәк ағзаларына ыңғай йоғонто яһай.

Табиптар шешенгән, юғары ҡан баҫымынан яфаланғандарға ла ҡабаҡ ашарға кәңәш итә. Организмда матдәләр алмашыныу боҙолғанда, уның һуты ярҙамға киләсәк. Ҡабаҡ һығынтыһы эс ҡатыуҙан да ҡотҡара.

Ҡабаҡ үт ҡыуығы эшмәкәрлеген яҡшырта, йыуан эсәктәге ялҡынһыныуҙы кәметә. Шуға күрә уны үт ҡыуығы, колит ауырыуҙары ваҡытында ла ашарға кәңәш итәләр. Бөйөрҙә һәм бәүел ҡыуығында таш булғанда, ике аҙна буйы көнөнә ике-өс тапҡыр ярты стакан ҡабаҡ һуты эсергә кәрәк. Диабеттан, артыҡ ауырлыҡтан интеккәндәргә лә унан бешерелгән ризыҡтар ашарға кәңәш итәләр – организмдан артыҡ холестеринды сығарыр.

Ҡабаҡтың һәр өлөшө файҙалы. Шулай ҙа ҡан баҫымы ныҡ төшкәндә, эс китеп ауырығанда ҡабаҡ ашауҙан тыйылып торорға кәрәк.

https://bash.rbsmi.ru/articles/s-l-m-t-bulayy/aba-nind-y-auyryu-ar-an-daua/