Гөмбә җыяр чак җитте

Урманнарыбызның җиләк-җимеш, гөмбәгә бай икәнлеге беркемгә дә сер түгел. Озайлы яңгырлардан соң, көннәр җылытып җибәргәч калкып чыккан гөмбәләрнең ниндие генә юк. Тик иренмичә вакытында җыеп, кышкылыкка запас туплап калырга кирәк. Авылыбызның уңган хуҗабикәләре гөреҗдә, куян колак, усак гөмбәне тозлап, маринадлап та куйды. Әле опяталар вакыты җитте, алар быел аеруча күп.