Башта – унитазга, аннары... авызга

Җәй. Су, төрле газлы эчемлекләр күпләп эчелә. Бигрәк тә яшьләр өзлексез рекламаланган “Кока-кола”ны яратып ала. Әмма белгечләр, “Кока-кола” яратучылар үз сәламәтлегенә коточкыч зыян сала, дип саный. Мондый газлы эчемлекләрдәге актив матдә – фосфор кислотасы дүрт көндә хәтта тырнакны да эретергә сәләтле икән. Ә без шуны “кинәнеп” эчәбез, балаларыбызга сатып алып “куанабыз”...

* “Кока-кола”ны хуҗа­лыкта бөтенләй башка максатларда кулланырга мөмкин. Мәсәлән, җәен автомобиль тәрәзәсенә пычрак күпләп ябыша. “Кока-кола” аны җиңел генә юып төшерә ала. Ав­томобильнең хромланган бамперындагы тапларны бетерү өчен аны “Кола”да чылатыл­ган фольга белән сөртәләр. Тутыктан котылу өчен дә “Кола” агызып ышкырга мөм­кин.

* Бу эчемлек бизәнү әйберләрен, алтын-көмешне, ка­лак-чәнечкене дә әйбәт тазарта. Моның өчен аларны бер тәүлек “Кола” салынган савытта тоталар.

* Киемдәге тап бетмәсә, “Кола” кушып юалар.

* Раковина, унитаз тыгылса, анда бер шешә “Кола” агызып, бер сәгать тоту да җитә.