927нче участоктада эшләр гөрләп бара

Барлык саклык чаралары да үтәлә. Полиция хезмәткәрләре дә үз эшенә җаваплы карый. “Сугыш чоры балалары” таныклыгына ия Канәфия Карам кызы Баязитова да сайлауга килеп, үз тавышын бирде. 82 яшьтә булса да, җитез, тырышып дөньясын көтә.

—           Бик авыр вакытларны күрергә туры килде, нинди генә кыенлыклар аша узмадык. Әлеге тормышның кадерен белеп, һәр көнгә шатланып кына яшәргә кирәк. Сайлау ул — һәркем өчен мөһим вакыйга. Без киләчәгебезне сайлыйбыз. Һәркем бу эшкә җаваплы карарга тиеш дип уйлыйм, — дигән тәэссоратлары белән уртаклашты Канәфия әби.