Кашкалар машиналы булды

Бу мөһим чара район хакимияте башлыгы Динис Йосыпов инициативасы белән уздырылды. Чарада шулай ук Башкортстан Республикасының янгынга каршы хезмәте дәүләт казна учреждениесе начальнигы Рәис Мазһар улы Арсланов, запастагы полковник Морат Сәхиян улы Талипов катнашты. Методик дәрес вакытында янгын хәвефсезлеге, быелгы коры җәйдә республика урманнарының янгынга дучар булуы һәм аны сүндерүдә актив эш алып барылуы хакында сөйләнелде.

Иң истәлекле мизгелләрнең берсе: Кашка авыл Советы биләмәсенә янгын сүндерү машинасы бирелде. Ачкычны Кашка авыл Советы башлыгы Канәфи Шакируллинга Рәис Арсланов тапшырды. Кашкалылар исеменнән Морат Талипов мондый игътибар өчен Рәис Мазһар улына рәхмәтен белдерде.