Алдагы көннәргә һава торышын бел!

"Һава температурасы күтәреләчәк. Атна азагында 0дән - 5 кә кадәр булачак. Бу Русиянең Үзәк өлешенә кагыла", - дип аңлатма биргән Вильфанд.
Алдагы биш көндә исә Русиянең Көнбатыш чикләреннән алып, Тын океан яр буйларына кадәр аномаль суыклар көтелә. Иң салкын көн 23 февральдә булачак. Һава температурасы - 33 градуска кадәр түбәнәюе көтелә.

Элек-электән халык һава торышын, табигать холкын күзәтеп, аның закончалыкларын эзләгән. Быелгы вакыты белән яңгырлы да, вакыты белән салкын февраль ае киләсе ел фасылларына нәрсә юрый икән?
* Февральдә каен ботагында карлар алка-алка булып асылынып торса, ул елда иген уңар.
* Февраль карга бай, апрель суга бай.
* Февральнең беренче яртысында көннәр суык булса, арыш уңар; җылы булса, тары уңар.
* Февральдә бәс күп булса, агач җимешләре уңар, бал күп булыр.
* Февраль аенда кар күп булса, иртә җәйгә ишарә.
* Әгәр февраль ае буранлы икән, августта яңгыр көт, уҗым игене уңачак.
* 26 февраль кар эресә, сулар акса, җәй яңгырлы булыр.
* 27 февраль җылы һава булса, март аеның башы суык булачак.
* 28 февраль боз сөңгеләре озын икән, яз да озын булыр.

Фото: Эльвира Ямалетдинова.