Без сәламәт яшәү яклы!

2 октябрь шимбә көнне Бөтенрусия атлау көне буларак, район халкы һәм оешма коллективлары бергәләп атлауга чыкты.

Безнең илдә бу көн 2015 елдан башлап үткәрелә. Аның максаты: күбрәк кешене, шулай ук яшьләрне спортка җәлеп итү, сәламәт яшәү рәвеше тәрбияләү. Чарада катнашучылар “Йәшлек” паркыннан Сабантуй мәйданына кадәр атлап барды һәм төрле спорт күнекмәләре, зарядка эшләде. Атлауда иң яшь катнашучылар Диана Гомәрова (2нче балалар бакчасы тәрбияләнүчесе, 4 яшь), шулай ук Кәрим Шәрипов булды (2нче балалар бакчасы, 5 яшь). Алар бирегә әти-әниләре белән килгән иде. Активларга Дипломнар тапшырылды.