Селфи эшлә — бүләк от!

Үрмияз мәдәният йортында урнашкан 940 санлы сайлау участогында да эш югары дәрәҗәгә куелган. Халык активлык күрсәтә, беренче булып НГДУ 4нче цехында эшләүче Айдар Әсәдуллин тавыш биргән. Ул иртә белән үзенең гражданлык бурычын үтәп, тыныч күңел белән эшенә юл тоткан. Ә менә Фәүзетдинов Алмаз белән Абдуллин Рәмис селфи эшләп, концертка билет отарга тели. Алдан хәбәр итүебезчә, фотоны инстаграмга яки ВКонтакте битенә куеп, кемнеке иң күп лайк җыя, шуңа Зинира һәм Ризат Рамазановлар концертына билет бирелә.