Парлашып сайлыйлар

Сайлауга парлашып йөрү гадәте элек-электән килә, чөнки мөһим карарлар һәрчак киңәшләшеп кабул ителә. Күнгәклеләр бу күркәм гадәткә тугры калып, тавыш бирергә парлашып йөрергә күнеккән. Авылның хөрмәтле гаиләләре Гүзәлифә Хәмит кызы һәм Илфат Фоат улы Галиевлар, Идия Гафият кызы һәм Әдһәм Шәймөхәмәт улы Гыйльманшиннар бу эштә дә яшьләргә үрнәк күрсәтте. Алар һәркемнең тавышы хәлиткеч әһәмияткә ия икәнлегенә һәм сайлауда иң лаеклылар җиңәчәгенә ышана.