Мөһим кампаниягә җаваплы караш

Тормышның ачысын-төчесен татыган өлкән буынның илебезнең язмышына битараф булмаулары куандыра. Алар бит тыныч күк йөзе, җитеш тормыш нинди сынаулар, югалтулар аша килүен үз күзләре белән күргән буын. Шуңа да һәр эшне җиткереп, намуслы башкаралар, тормышның кадерен белеп яшиләр.

Яңа Казанчы авылында яшәүче олы ихтирамга лаек өлкән кеше — 91 яшь Фазылҗан Фәүзи улы Хәсәнов мөһим кампаниягә бик җаваплы карый. Тынгысыз ир узаманы иртә белән торып, хуҗалык эшләрен тәмамлап, сайлауга ашыга.