Файдалы чара

Иске Казанчы авыл китапханәсендә фәһемле чара үткәрелде. Китапханәче Гөлфинә Исламова укучыларга Раштуа бәйрәме, аның кайдан килеп чыгуы, ничек үткәрелүе, нинди әһәмияткә ия икәнлеге турында сөйләде. Ә авылның "Агинәйләр коры" оешмасы җитәкчесе Мәмдүнә Зарипова ислам дине йолалары, милли бәйрәмнәр турында җентекле сөйләде. Арытаба чарада катнашучылар белән мәдәният йортында төрле күңелле уеннар, ярышлар оештырылды. Чараның төп максаты — милләтара татулык, башка дингә ихтирам тәрбияләү.