Владимир Путин Башкортстан табибларын Лука Крымский медале белән бүләкләде

Ил Президенты актив тормыш позициясе һәм күренекле уңышлары булган гражданнарны Русия Федерациясе дәүләт бүләкләре белән бүләкләү турындагы указга кул куйды. Тиешле документ хокукый мәгълүматның рәсми интернет-порталында урнаштырылган.

Бүләкләнүчеләр арасында якташларыбыз да бар. Башкорт дәүләт медицина университеты ординаторлары Илдар Рәис улы Әпсәләмов, Рузил Зөфәр улы Галиев һәм Руслан Рамил улы Фәхретдинов, шулай ук 21нче Уфа шәһәре дәваханәсенең бүлек мөдире Рамилә Зәйнулла кызы Батраева Лука Крымский медаленә лаек булдылар.

Фото: 9111.ru

Автор:Зөһрә Исламова