Һәр төбәкнең үз кураторы булачак

Һәр Русия төбәгенең Ерак Көнчыгыш һәм Көньяк федераль округлары үрнәгендә үз кураторы барлыкка киләчәк. Бу хакта Владимир Путин "Туры линия" барышында белдерде.

Премьер-министр Михаил Мишустин бу мәсьәлә буенча үз тәкъдимнәрен тәкъдим итәчәк, дип сөйләде Президент. Ул күптән түгел бу темага Хөкүмәт җитәкчелеге белән сөйләшү булганын хәбәр итте.

"Тулаем тәҗрибә үзен аклый", - дип билгеләде Путин. Һәр территорияне үз вице-премьеры җитәкләячәк. "Арытаба бу системаның киң масштабта ничек эшләячәген карарбыз", - диде Путин.

Хәзерге вакытта Хөкүмәттә Ерак Көнчыгыш һәм Кырымнан вәкилләр бар. Ерак Көнчыгышка - вице-премьер Юрий Трутнев, Кырымга вице-премьер Марат Хөснуллин кураторлык итә.