Юлдарҙа авария хәле борсоулы булып ҡала – Рөстәм Хәмитов

Рәсәй Федерацияһы Эске эштәр органдары хеҙмәткәрҙәре көнөнә арналған тантаналы йыйылышта сығыш яһап, Башҡортостан Башлығы Рөстәм Хәмитов республика юлдарында авария хәлен борсоулы тип атаны һәм был йүнәлештәге эште көсәйтеү кәрәклеген билдәләне.

— Юлдарыбыҙҙа авария хәле борсоулы булып ҡала. Кешеләрҙеңименлеген күтәреү өсөн һәләкәткә килтереүсе бөтә факторҙарға ла иғтибар итеү, «Имен төбәк» аппарат-программа комплексын, хәүефле юл участкаларында видеотеркәү системаһын һөҙөмтәлерәк ҡулланыу мотлаҡ, – тип һыҙыҡ өҫтөнә алды Рөстәм Хәмитов. – Тәртип боҙоусылар, руль артында алкоголле эсемлектәр эсеүселәр, тиҙлек режимын үтәмәүселәр менән ҡаты көрәш алып барырға кәрәк.