Республиканың Хеҙмәт министрлығы эшһеҙлек буйынса яңы пособие күләмен атаны

Башҡортостан Хеҙмәт министрлығы декабрҙа республикала эшһеҙлек буйынса уртаса пособие күләмен атаны. Ноябрь менән сағыштырғанда ул бер аҙға артҡан һәм 4132 һум тәшкил итә.

Иң түбән пособие күләме хәҙер – 977,5 һум, иң ҙуры 5 635 һумға тиң.

«1 ғинуарға ҡарата мәғлүмәттәр буйынса, төбәктә эшһеҙлек буйынса иң түбән пособиены – 5,6 мең кеше, иң ҙурын 11,4 мең рәсми теркәлгән эшһеҙ ала», — тип хәбәр итте «Башинформ» агентлығына Башҡортостан Ғаилә, хеҙмәт һәм халыҡты социаль яҡлау министрлығының матбуғат секретары Роза Кузьменко.