“Үз йортым” программасы яңартыла

Мәгълүм булуынча, 2005-2010 елларда “Үз йортым” Республика программасы нигезендә Шамонино, Дорогино һәм Жуково дип исемләнгән заманча авыллар үсеп чыкты.

2005-2010 елларда “Үз йортым” Республика программасы нигезендә бюджет өлкәсендә эшләүчеләр кыйммәт булмаган хакка җирле һәм йортлы булу бәхетенә ирештеләр.

Республиканың Архитектура һәм төзелеш буенча дәүләт комитеты рәисе урынбасары Артем Ковшов: “Үз йортым” программасын дәвам итәргә планлаштырабыз”, - дип белдерде. План буенча, Уфадан ерак булмаган җирләрдә берничә авыл төзеләчәк. Җир бүлү, су кертү, электр сузу һәм юллар төзү өчен федераль үзәк тә ярдәм күрсәтәчәк икән. Ел азагына кадәр булачак авылларның биләмәләре билгеләнәчәк. Үз җире белән яшәүне үз иткән кешеләргә бу зур ярдәм булачак. Уң була күрсен диясе генә кала.

https://omet-rb.rbsmi.ru/articles/-mgyyat/-z-yortym-programmasy-ya-artyla/