Мәктәп 1 сентябрьгә әзер булачак

Аскын районы хакимияте башлыгы Динис Йосыпов Русия Президенты Владимир Путин тарафыннан булдырылган "Мәгариф" гомумдәүләт проекты кысаларында төзелүче 2нче мәктәпне төзекләндерү буенча чираттагы киңәшмә үткәрде.

Анда подряд оешмалары вәкилләре катнашты. Киңәшмә барышында ремонт эшләрен уздыруның барышы бәяләнде, аларны үтәүгә бәя бирелде, проблемалы моментлар каралды.

Подрядчылар бу елның апрелендә ремонтка кереште. Хәзерге вакытта эшләр планлаштырылган күләмнең 45 процентына үтәлгән. Тәрәзәләр алыштырылган. Түбә ремонты бара, электр чыбыкларын алыштыру, бинаның фасадын җылыту һәм тышлау, идәннәрне түшәү, стеналарны штукатурлау, янгын сигнализациясе урнаштыру эшләре бара.

Ремонт кысаларында ашханә "СанПин" нормаларына туры китереләчәк. Мәктәптә яшелчә һәм ит цехы барлыкка киләчәк. Объектны августка тапшыру планлаштырыла.

Фото: srk.nationalpriority.ru

Автор:Фануз Хабибуллин