Нефтекамада да ачылды!

Сөт кухнясы урындагы чималдан җитештерелгән 6 айдан алып 3 яшькә кадәрге балаларны бушлай сыйфатлы продукция белән тәэмин итәчәк. Сөт ризыкларын куллану географиясе гаять киң – “молочка”ны Агыйдел, Дүртөйле, Яңавыл һәм Бөре районнарында яшәүче нәниләр алачак.

- Безнең өчен бу бик мөһим вакыйга, элекке традицияләрне янә тергезәбез. Чөнки балалар сәламәтлеге турыдан-туры аларның нәрсә ашауларына бәйле. Монда сөт кухнясының 4 төр продукциясе җитештерәләчәк, - дип сөенече белән уртаклашты БР Сәүдә һәм кулланучылар хокукларын яклау комитеты рәисе Алексей Гусев. – Радий Хәбиров сөт кухнялары челтәрләрен янә тергезәчәкбез дигәч, коммерция оешмалары да бу эштә катнашасылары килгән иде. Әмма техник задание һәм срокларны күргәч, аларның күбесе баш тартты. Ә без моны башкарып чыга алдык. Бу Нефтекама шәһәре хакимияте, кухня, Дәүләт комитеты хезмәткәрләренең уртак җайга салынган эше булды. 5 ай эчендә калкып чыккан кухня - чыннан да зур һәм уникаль проект.