Уфа урамнары тагын да матурланачак

Ел ахырына кадәр бүленгән сумманың 780 мең сумын куллану күзаллана. Ә калган 8,58 миллион сум киләсе елда тотынылачак.

Ил Президенты Владимир Путинның май указларын үтәү максатында гамәлгә ашырылучы "Торак һәм шәһәр мохите" гомумдәүләт проекты Башкортстанда да киң җәелдерелде. Шәһәрләрне төзекләндерү, матурлау - халыкның яшәү сыйфаты үсешенең бер күрсәткече ул.
Уфада бу җәһәттән бик күп башлангычларга старт бирелде. Күптән түгел башкалада машиналар кую урыннары булдыруга шәһәр җитәкчелеге 9,36 миллион сум акча бүлергә әзер булуын билгеләде. Әлеге вакытта Уфа мэриясе бу башлангычка белгечләр эзләү белән шөгыльләнә.