Республика 20 күчмә ФАП алачак

Башкортстанның берьюлы 6 районы тәүге тапкыр кече авыллар халкын хезмәтләндерер өчен күчмә ФАПлар алды. Моңа “Сәламәтлек” милли проектын гамәлгә ашыру кысаларында ирешелде.

ФАПларны рәсмиләштерү буенча барлык тиешле процедуралар тәмамланган һәм шушы арада алар Белорет, Әбҗәлил, Бөрҗән, Баймак, Зианчура һәм Зилаер районы пациентларын кабул итә башлаячак, дип хәбәр итәләр Сәламәтлек саклау министрлыгында.

“Сәламәтлек” милли проекты кысаларында ел ахырына кадәр Башкортстанга тагы 15 күчмә фельдшер-акушер пунктлары кайтырга тиеш”, - дип хәбәр иттеләр БР Сәламәтлек саклау министрлыгының матбугат хезмәтендә.

Бу мобиль ФАПлар “ПАЗ” автобусы нигезендә эшләнгән комплекслардан гыйбарәт. Алар барлык кирәкле медицина корылмалары – электрокардиограф, кардиомаркерларны үлчи торган портатив экспресс-анализатор, дефибриллятор-монитор, гинекологик кәнәфи белән җиһазландырылган. Шул исәптән анализлар алу өчен махсус приборлар да бар.