Ышаныч
-22 °С
Болытлы
75 лет Победы
Барлык яңалыклар
милли проектлар
24 октябрь 2019, 11:21

Түгәрәкләр хәрәкәте олимпиадасына кушыл!

#ВладимирПутин #национальныепроекты #нацпроекты#региональныепроекты

Анда 27 октябрьгә кадәр теркәлергә мөмкин.

Башкортстан Республикасы беренче тапкыр Түгәрәкләр хәрәкәте олимпиадасының гомумдәүләт технологик башлангычлар проектларының берсендә катнаша. Ул "Мәгариф" гомумдәүләт проекты кысаларында гамәлгә ашырыла.Әлеге олимпиаданы оештыручылар — алдынгы технологик университетлар һәм Русия Федерациясе компанияләре.

2019-20 елгы уку елында Түгәрәкләр хәрәкәте олимпиадасы җиңүчеләре һәм призерлары югары белем бирү оешмаларына укырга кергәндә ташламалардан файдаланачак. “Junior” гомумдәүләт технологик башлангычлар Түгәрәкләр хәрәкәте олимпиадасы — илдәге беренче команда инженерлык олимпиадасы, анда быелдан башлап 5-7нче сыйныф укучылары катнаша ала.


Олимпиада максатларының берсе — интеллектуаль үсеш һәм балаларны заманча инженер практикаларына җәлеп итү өчен шартлар тудыру, шулай ук һөнәри ориентациягә һәм аңлы рәвештә белем бирү траекторияләрен сайлауда ярдәм итү.


“Русия – мөмкинлекләр иле” коммерциягә карамагында булмаган автономияле оешма Русия Президенты Владимир Путинның 2018 елның 22 маендагы Указы белән гамәлгә куелды. “Мәгариф” гомумдәүләт проекты кысаларында тормышка ашырылучы оешманың төп максатлары: социаль мобильлекне арттыру, гражданнарның шәхси һәм профессиональ мөмкинлекләрен тормышка ашыруын тәэмин итү өчен шартлар тудыру, шулай ук Русиядә нәтиҗәле социаль лифтлар булдыру. “Русия – мөмкинлекләр иле” оешмасының күзәтчелек советын Владимир Путин җитәкли.


Илдәге 8 меңнән артык мәктәп укучысы “Junior” түгәрәк хәрәкәте олимпиадасына теркәлгән. Гаризалар 27 октябрьгә кадәр кабул ителә. Гаризалар саны буенча хәзерге вакытта Новосибирск лидер (1701 гариза) булып тора, икенче урында — Санкт-Петербург (1411), өченче урында — Ижау, Удмуртия Республикасы (492).


Олимпиада финалы Русиянең 16 шәһәрендә: Уфа, Бөек Новгород, Владивосток, Волгоград, Екатеринбург, Ижау, Иркутск, Казан, Королево, Мәскәү, Түбән Новгород, Новосибирск, Санкт-Петербург, Чабаксар, Якутск һәм Ярославльдә узачак.

Уфада “Junior 2019” түгәрәк хәрәкәте олимпиадасы финалын уздыру елның 14 декабренә планлаштырылган.
Читайте нас в