Владимир Путин менән Трамп нимә тураһында һөйләшә?

Рәсәй һәм АҠШ президенттары Владимир Путин менән Дональд Трамптың үҙ-ара әңгәмәһе стенограммаһын ике яҡтың ризалығы буйынса ғына баҫтырып сығарырға мөмкин.

Шул уҡ ваҡытта Вашингтондан ошондай тәҡдим булһа, Мәскәү уны тикшерергә әҙер.

Ғөмүмән, Путин менән Трамп нимә хаҡында әңгәмәләшә? АҠШ Конгресының Вәкилдәр палатаһындағы разведка буйынса махсус комитеты рәйесе Адам Шифф ошо хаҡта белергә теләүен иғлан итте.

Рәсәй Президентының матбуғат секретары Дмитрий Песков уның был һорауына аңлатма бирҙе. “Бындай үтенестәр һәм ошо ваҡиғаға бәйле АҠШ-та барған процестар Американың эске эше булып тора, һәм Рәсәй унда һис ҡасан да ҡатнашманы һәм ҡатнашмаясаҡ та”, – тине ул.

#ВладимирПутин

https://bash.rbsmi.ru/articles/s-y-s-t-m-kho-u/vladimir-putin-men-n-donald-tramp-nim-tura-ynda-yl-sh-/