Владимир Путин Николас Мадуро менән нимә хаҡында һөйләште?

Рәсәй Президенты Владимир Путин Кремлдә Венесуэла етәксеһе Николас Мадуро менән осрашты.

Дәүләт башлыҡтары ике яҡлы мөнәсәбәттәр, төбәк мәсьәләләре, шулай уҡ Боливариан Республикаһындағы ваҡиғалар буйынса фекер алышты.

Мәғлүм булыуынса, Мәскәү менән Каракас араһында ныҡлы дипломатик мөнәсәбәттәр булдырылған. 1996 йылда яҡтар Дуҫлыҡ һәм хеҙмәттәшлек тураһындағы килешеүгә ҡул ҡуйҙы.

Рәсәй Венесуэлалағы сетерекле хәлде тыныс юл менән көйләү яҡлы һәм тыштан ниндәй ҙә булһа ҡатнашлыҡтарға ҡырҡа ҡаршы.

#ВладимирПутин

https://bash.rbsmi.ru/articles/s-y-s-t-m-kho-u/vladimir-putin-nikolas-maduro-men-n-nim-kha-ynda-yl-shte/