Владимир Путин Монголия башлыгы белән күреште

Очрашу барышында алар хәрби-техник хезмәттәшлек турында фикер алышты.

Әйтергә кирәк, бу өлкә уңышлы үсә һәм төбәктә хәвефсезлекне тәэмин итүдә мөһим фактор булып тора.

- Әлбәттә, без илләребез арасында оборона, хәрби-техник һәм террорчылыкка каршы хезмәттәшлек перспективалары турында җентекләп сөйләштек. Бу өлкәдәге хезмәттәшлек Азиядә хәвефсезлекне тәэмин итүнең мөһим факторы дип саныйбыз , - диде Владимир Путин.

Шулай ук, очрашуда ике ил арасындагы транспорт, авыл хуҗалыгы, энергетика һәм банк өлкәсендәге хезмәттәшлекне үстерү турында сүз барды.

#ВладимирПутин

https://kiziltan.rbsmi.ru/articles/politika/vladimir-putin-mongoliya-bashlygy-bel-n-k-reshte/