Милли проект: һәр балаға шарттар тыуҙырыла

Башҡортостандың Мәғариф министрлығы, "Мәғариф" милли проектының "Заман мәктәбе" федераль проекты нигеҙендә, мөмкинлектәре сикләнгән балаларға белем алыуға ярҙам итеүгә йүнәлтелгән төбәк проектын ғәмәлгә ашыра.

Ошо йәһәттән "Һаулыҡ мөмкинлектәре сикләнгән балаларға белем алыуҙа ярҙам" сараһы быйыл 12 коррекция белем биреү ойошмаһының инфраструктураһын яңыртыуға булышлыҡ итәсәк.

Сығымдарҙы үҙләштергәндә сығарылыш уҡыусылары артабан уҡыуҙарын дауам итә һәм эшкә урынлаша алһын өсөн, һәр учреждениеның үҙенсәлектәрен, уҡыусыларҙың контингентын иҫәпкә алып, хеҙмәт оҫтаханаларын һәм "Технология" өлкәһендәге предмет кабинеттарын йыһазландырыуға өҫтөнлөк биреләсәк. Шулай уҡ сара барышында психология-педагогика кабинеты, дефектолог, логопед һәм башҡа һауыҡтырыуға, белем биреүгә йүнәлтелгән кабинеттар яңыртыласаҡ.

Мөмкинлектәре сикләнгән балаларға уңайлыҡтар тыуҙырылған 12 мәктәп тә Белем көнөнә асыласаҡ.

https://bash.rbsmi.ru/articles/milli-proekttar/milli-proekt-r-bala-a-sharttar-tyu-yryla/