Финанс белемлелек

Бүген Кышлау-Елга мәктәбендә “Финанс белемлелек атнасы” чикләрендә район хакимиятенең финанс идарәлеге хезмәткәрләре идарәлек начальнигы Эльвиза Гайдуллина җитәкчелегендә укучылар һәм укытучылар белән эшлекле очрашу үткәрде. Әңгәмә барышында укучылар үзләрен кызыксындырган сорауларын бирде һәм төпле, аңлаешлы җаваплар алды. Шулай ук укучылар белән гамәли дәресләр дә үткәрелде. Мәктәп директоры Ришат Лотфуллин финанс идарәлеге хезмәткәрләренә белемне арттыруда ярдәм иткәннәре өчен рәхмәт белдерде.