Тырыш укучы булачакмын

Тәү башлап мәктәп ишеген ачып керү кечкенә кыз һәм малайларыбыз өчен могьҗизага тиң. Ранис Садыйков өчен дә бу ел гомерлеккә хәтердә уелып калучы елларның берсе булды: чөнки ул беренче сыйныфка укырга барды.

— Мин тырышып укыячакмын, “4” һәм ”5” билгеләре генә алачакмын. Мәктәптә миңа бик ошый, һәр дәресне көтеп алам, — ди Ранис. Укытучысы Алевтина Васильевна балаларны кызыксындыру өчен дәресләрне мавыктыргыч, кызыклы итеп үткәрергә тырыша.