Көзге байлыктан күзләр чагыла

Көннең матурлыгы һәркемнең йөзендә чагыла, дисәк тә хата булмас. Чөнки чагу кояш нурларына кушылып агылган күңелле көйләр балаларны, ярминкәдә катнашучыларны дәртләндерә генә. Мондый чара балаларда үзаллылык, тырышлык тәрбияли, тормышка дөрес караш формалаштыра, кайдандыр көтеп кенә ятмаска өйрәтә. Берсеннән-берсе матур итеп бизәлгән өстәлләрдә көзге муллык өстенлек итә. Бар да бар биредә, җаның ни тели, рәхим итеп ал гына.