Фәһемле очрашулар

Бүген 30 апрельдә Мәскәү шәһәрендә белем алучы, Губкин исемендәге Русия дәүләт нефть һәм газ университеты студенты Салават Юнысов мәктәп укучылары белән очрашу үткәрде: Кашка, Үрмияз һәм Күбияз мәктәбе укучылары белән әңгәмәләр оештырды. Ул аларга белем үрләренә ничек күтәрелергә, укырга керергә теләге булганнарга юллар ачык булуы хакында сөйләде. Укучылар үзләрен кызыксындырган сорауларын бирде. Шулай ук Фәнзәт Мөгътәбаров, район корылтае башкарма комитетының актив әгъзасы чыгышы да бик фәһемле булды.