-4 °С
Болытлы
Барлык яңалыклар
мәдәният
20 декабрь 2018, 17:59
Якташларыбыз иҗаты
БИР КУЛЫҢНЫ, ЯЗМЫШ!
БИР КУЛЫҢНЫ, ЯЗМЫШ!
Зур юлларга алып чыктың да син,
Ташлап киттең авыр чагымда.
“Уф” та дими, туганнарым белән,
Яшәр идем туган ягымда.
Анда җиңлерәк булыр иде,
Бар да таныш, бар да якыннар.
Бүген менә күзләреңә карап,
Хокук даулар өчен хакым бар!
Кулларымнан тотып алып киттең,
Читтә әйбәт, диеп, котыртып.
Тормыш сынауларын алга куйгач,
Качтың “төп башына” утыртып...
Ташладың да куйдың мине, Язмыш,
Көче җитәр моның дидеңме?
Әллә инде каты кулларыңның
Бик кычыткан чагы идеме?
Ник ташладың, әллә, кирәкмәгән
Бер адәмдер бу да дидеңме?
Хәзер күңелең тынычлап калдымы,
Ятим бер баланы җиңдеңме?
Бишектән үк ничәмә егылттың,
Түзәр әле, түзәр, дидеңме?
Усал итеп күзләремә баккач
Горур башын ияр, дидеңме?
Юк, җиңмәдең, димим, көчле бит син,
Кайда инде сине җиңәргә?
Дуслар туган якта, эч серемне
Туры килә җилгә сөйләргә...
Мин җиңелдем, Язмыш, син – җиңүче!
Басып торам текә ярыңда.
Күргән михнәтләрне, рәхәтләрне–
Үлчәүләргә салып барын да...
Сынаулар күп булган, җитәр инде,
Бирче, миңа, дуслык кулыңны!
Ныклы саулык бирче, бәхет бирче,
Атлар өчен калган юлымны!
Бирче, Язмыш, дуслык кулыңны!
Гөлсимә Зиннәтуллина.
Борай- Аскын.
Читайте нас:
© 2020-2024 Сайт издания "Ышанач" Копирование информации сайта разрешено только с письменного согласия администрации.
Телефон
8-34771 (2-10-48)
Электрон почта
Адресы
452880, Аскинский район, с. Аскино, ул. Блюхера, 10
Реклама хезмәте
8(34771) 2-20-60
Редакция
8-34771 (2-10-48)
Кадрлар бүлеге
8-34771 (2-19-30)