Акция дәвам итә

Аскын район Советы рәисе, район ветеринария станциясе начальнигы Руслан Рәмил улы Галләмов “Изгелек агачы” мәрхәмәтлелек акциясенә кушылып, күпбалалы өч гаиләгә “Аскинская новь”, “Ышаныч”, “Йәнтөйәк” гәзитләрен яздырып бүләк итте. Күркәм бәйрәм — Әниләр көне алдыннан мондый бүләк алган гаиләләр аңа ихлас рәхмәтләрен җиткерә. Руслан Рәмил улы эстафетаны үзенең урынбасары — район Советы депутаты, “Аскын электр челтәрләре” җаваплылыгы чикләнгән җәмгыяте директоры Илшат Мөхәмәтшинга тапшыра.

Миләүшә Хөсәенова.