“Трактор биатлоны”нда - безнекеләр дүртенче

“Урожай” авыл хуҗалыгы җитештерү кооперативыннан Илсур Зәйдуллин бу ярышта килгән кунак командалар арасында үзен иң көчлесе итеп танытты. Барлык призлы урыннарны ярыш хуҗалары – Удмуртиянең трактор биатлонистлары – яулады. Күрше республикада башланган уеннар Русиянең башка аграр төбәкләрендә дә зур тизлек белән популярлык яулый бара.

Быел МТЗ-82 тракторын йөртү осталыгын һәм экстремаль шартларда утлы рубежларда төз ату осталыгын күрсәтү ярышына биш төбәк вәкилләре килде – болар Ростов һәм Свердловск өлкәләре, Пермь крае, Татарстан һәм Башкортстан.

Беларусь Республикасыннан килгән вәкилләр бик актив булдылар – аларның делегациясендә 12 кеше иде.