Изгелек җирдә ятмый

Депутат Гөлфинә Исламова акциягә беренчеләрдән булып кушылды.

Район Советы депутатлары беркайчан да изге эшләрдән читтә калмый, чөнки аларны бит халык сайлап куйган. Менә "Изгелек агачы" акциясенә дә теләп кушылдылар. Район бишенче чакырылыш Советы депутаты, Иске Казанчы авылы китапханәчесе Гөлфинә Исламова "Ышаныч" гәзитен яздырып, педагогик хезмәт ветераны, авылның хөрмәтле аксакалы Ансар абый Солтановка бүләк итте.