Бүләк алып куанды

Мәгълүм булуынча, елына ике тапкыр вакытлы матбугатка язылу кампаниясе үтә һәм күркәм гадәт буенча район гәзитләренә язылучылар арасында бүләкләр уйнатыла. 29 июньдә 2021 елның икенче яртыеллыгына язылучылар арасында бүләккә көндәлек тормышта кирәкле әйберләр уйнатылды. Бу көнне бәхет елмайганнарның берсе — Күбияз авылыннан даими укучыбыз Зәйтүнә Ибраһимова булды.

— Мин район гәзитен Күбияз авылына килен булып төшкәннән бирле алдырам. Һәр санын көтеп алам, бер хәрефен дә төшереп калдырмый укып чыгам, — ди Зәйтүнә Рамазан кызы. — Быел бүләк тә откач, икеләтә куандым.

Миләүшә Хөсәенова