Чишмә-Үрәкәйлеләр аек тормыш яклы

Чишмә-Үрәкәй авылы халкы да “Аек авыл” конкурсына теләп кушылды. Биредә тырыш һәм уңган халык яши. Чаралар да еш үтеп тора. Укытучылар, авыл кешеләре, дин әхелләре берлектә тәрбияви чаралар оештыра, сәламәт тормышка әйди. Талантлы, җыр-биюгә осталар да күп биредә. Шушы уңайдан “Сипкелле кыз” спектакле сәхнәләштерелде. Монда эчкечелек, буйдаклык, яшьләрнең авылдан китү мәсьәләләре күтәрелде. Киләчәктә сәламәт тормыш алып барып, авыл халкының яшәешен күркәмләндерү максаты алга куелды.