Күркәм юбилеен билгели

Упканкүл авылында яшәүче, бар гомерен колхоз эшенә багышлаган механизатор, авыл аксакалы Әхмәтфаик Кәбир улы Кәбиров 90 яшьлек күркәм юбилеен билгели. Аны бу матур бәйрәме белән тәбрик итү өчен район хакимияте башлыгы Фларит Фоат улы Усманов, Евбуляк авыл Советы башлыгы Алсу Йосыпова һәм урындагы ветераннар советы әгъзасы Гүзәл Ганиева килде. Юбилярга матур теләкләр җиткерелде, Русия Президентының котлау открыткасы һәм истәлекле бүләк тапшырылды.

Сөмбел Әсләмова.