Күңелле һәм матур булды

Әйе, быелгы җәй коры булса да, уңышны юк, дип әйтеп булмый. Өстәлләрнең муллыгында кешеләрнең тырышлыгы, уңганлыгы ачык чагыла. Кышка хәзерләнгән тәмле-тәмле кайнатма, салатлар барлык өстәлләрдә дә күп булды. Кемнәр боларны эшләргә өлгермәгән, сатып алу мөмкинлеге булды. Бигрәк тә балның муллыгы шатландыра. Шулай ук алмаларның, кабакларның нинди генә төре юк. Нәрсә телисең шуны сатып алырга мөмкин иде бу көнне.