Ярминкәдә ниләр генә юк иде

Район үзәгендә узган авыл хуҗалыгы ярминкәсендә ниләр генә юк иде: яшелчәләр, татлы бал, алмаларның төрле сорты, агач үсентеләре, чагу чәчкәләре белән күзне иркәләүче өй гөлләре, декоратив үсемлекләр, сөт ризыклары һәм башкалар.

Быелгы җәй коры килсә дә, халыкны үзенең мул уңышы белән куандырды, дип әйтергә мөмкин. Яшелчәләр матур булып үсте, бал күп булды. Бигрәк тә алмаларның нинди генә сортлары юк. Бу көндә теләге булганнарга боларның барысын да сатып алу мөмкинлеге булды.

Бигрәк тә Зинфира һәм Әдис Мөхәмәтҗановлар үстергән йорт кошы түшкәләренә сокланырлык иде.