Мунчасыз да калган, штраф та түләгән...

Сак булыгыз, янгын игътибарсызлыкны гафу итми!

Авыргазы районында янгын булды. Тикшерүләр нәтиҗәсе буенча, янгын хуҗалыктагы чүп-чарны яндыру нәтиҗәсендә килеп чыккан.

Хуҗабикә кыштан соң ихатаны тәртипкә китерү нияте белән чүпне яндырырга була һәм озакламый башка мәшәкатьләргә бүленә.

Ут 15 квадрат метр мәйданны биләп ала. Кызганычка каршы, әлеге территориядә мунча да була.

Хәвефсезлек кагыйдәләрен үтәмәгән өчен хуҗабикәгә 2000 сум штраф та түләргә туры килгән.