Һәрчак җаваплылык тойдым

Аскын авылында яшәүче Мидхәт Нурдәүләтов бер сайлаудан да калганы юк. Хаклы ялга кадәр прораб, механик, инженер булып эшләгән Мидхәт абый җитди сәяси вакыйгада катнашу һәр кешенең бурычы , дип исәпли.

“Быел сайлау туган көнемә туры килде. Шуңа иртән үк тормыш иптәшем Рәүфә белән сайлау участогына барып, илебезгә Президент сайладык. Ә соңыннан котлаулар кабул иттем. Район, авыл Советына яки югары законнар чыгару органына депутатлар сайлау булсынмы — барысына да яшь чактан җитди карадым. Бу бик җаваплылык таләп иткән мөһим вакыйга”, — ди ул.